8. Mateoren tranpa

 

mateo: Non demontre sartu da erbi alu hori!

 

herensugea hilda ikustean:

 

mateo: Arraioa! Herensugea hilda dago! Buruak mozten badizkiot herrian heroitzat hartuko naute.

 

Esan eta egin. Buruak estali ondoren...

 

mateo: Lagunok herensugea hil egin dut! Herensugea hil dut!!!

 

Herritarrak kobazulo ingurura hurbilduko dira mateoren deiari erantzunez.

 

herritarra a: Zer izan da zarata hori On Mateo?

mateo: Begira hor atzean.

herritarra b: Herensugea da!

herritarra c: Hilda dago!

herritarra d: Bai hilda seko dago.

mateo: Bai, neuk hil dut!

herritarra: Nola lortu duzu hiltzea?

mateo: Borroka gogorra izan dut berarekin, eskopeta kendu dit, baina azkenean ezin izan du nire kemena jasan eta akabatu dut.

herritarrak: Herensugea hilda dago!!! Mateo Txistuk hil egin du! Gora Mateo Txistu!!!

herritarrak: Gora gure salbatzailea!!!

mateo: Eskerrik asko lagunok! Hemendik aurrera familia guztietako neskak lasai bizitzeko aukera izango duzue, bukatu dira herensugearen janaria izateko zozketak.

herritarrak: Urra!!!

mateo: Baina, lasaitasun hori eskertu diezadazuen, datozen urteotan, gaurko egunean, zazpi urrezko txanpon eman beharko dizkidazue famili bakoitzeko, horrela nire babespean bizitzeko aukera izango duzue.

herritarra a: (Hasieran zalantzati baina gero proposamena onartuz...) Horrela egingo dugu Mateo jauna.

herritarra b: Zu zara gure salbatzailea.

herritarrak: Gora Mateo! Gora!!!

 

Une horretan haitzuloaren barrenetik sortutako ahots batek jai giroa moztu egiten du.

 

kukubel: Gezurra da hori!

herritarrak: Herensugea bizirik dago!

mateo: Ez da posible, neuk hil dut!

kukubel: (Koba barrenetik berriro ere) Gezurti Mateo! Gezurti!

mateo: Nor deabru zara?

herritarra a: Kukubelen ahotsa dirudi.

mateo: Ezin da izan, Kukubel herensugeak jan du!

kukubel: (Haitzulotik ateratzen) Hori ere gezurra da.

herritarra a: Zer?

herritarra b: Ara! Kukubel bizirik dago!

herritarra c: Bai, Kukubel bera da!

kukubel: Mateok ez du herensugea hil!

mateo: Iruzurtia eta maltzurra zara Kukubel, neuk hil dut herensuge hori eta frogatzat hemen ditut beren zazpi buruak.

 

Estalita dauden lekutik ateratzen ditu herritar guztiak konbentzituz.

 

kukubel: Zazpi buruak Mateok ditu baina denak mingain gabeak, gizon gezurti eta zoroak engaina nahi gaitu.

herritarrak: Zer???

kukubel: Lagunok, hemen dira mingainak.

herritarrak: Oh!

herritarra a: Egia da, Kukubelek hil egin behar izan du herensugea!

herritarra b: Kukubel da gure benetako salbatzailea!

herritarra c: Barkatu gure portaera.

 

mateo egoeraz oharturik...

 

mateo: Herritarrok, herritarrok dena azalduko dizuet, ez didazue ongi ulertu...

herritarra a: Ulertu ez? Begira, tori zure buru hau!

herritarra b: Bai, hauek ere eta jan itzazu pilpilean.

herritarra c: Eta hauek!!!

mateo: (Etsiturik) Harrapatuta nago! Hobe dut hemendik alde egitea lehenbailehen.

herritarrak: Gora Kukubel!!! Gora!!! Ospa dezagun gaurko eguna festa eginez! Kukubel, jo ezazu zure txirula magikoa! Egin dezagun dantzan!