Pertsonaiak:

IDAZLEA: Berrogei urte inguruko gizonezkoa da. Itxuraz, pertsonai nagusia da.

KAZETARIA: Hogeita hamar urte ingurukoa gizonezkoa da. Gaur baino lehen ez du inoiz harremanik izan ez idazlearekin, ez X editorearekin. Pertsonaia nagusia da, funtsean.

X EDITOREA: Berrogei urte inguruko gizonezkoa da. Antzezlanean bereganatzen zaizkion ekintzak bereak bakarrik dira.

X2 EDITOREA: X editorearen lankidea da. Gizonezkoa. Edozein adin izan dezake, berrogeita hamar urtetik gora.

IDAZKARIA: Berrogei urte inguruko emakumezkoa da.

ZUZENDARIA: Berrogeita hamar urte inguruko gizonezkoa da. Ez da antzezlanean azalduko, baina bere ahotsa entzungo da.

EKIALDEKO IDAZLEA,

ERDIALDEKO IDAZLEA eta

MENDEBALDEKO IDAZLEA: Gizonezkoak nahiz emakumezkoak izan daitezke. Bitan baizik ez dira azalduko antzezlanean, baina etengabe aipatuak izango dira.

BI PERTSONA: Emakumeak nahiz gizonak izan daitezke. Ez dute inoiz hitz egingo. Bilerei itxura jendetsuagoa emateko azalduko dira.

            Oharra: Euskal idazleak aipatzean, pertsona errealak direnez, ez da beren izenik aipatuko. “Ekialdeko idazle bat”, “Erdialdeko bat” eta “Mendebaldeko bat” adieraziko da euren aipamenak egitean, ondoko kokapen geografiko asmatu honen arabera: ekialdea Nafarroa eta Iparraldea dira, erdialdea Gipuzkoa da, eta mendebaldea Bizkaia eta Araba.