3. AGERRALDIA: KOTXEA

 

Zeremonia eten eta gero, odei agurtzeko gaua bestan ematea erabakitzen dute, gaztetan bezala. Kalera atera dira.

 

ZIGOR: Bai baiña... nok jaukek kotxie?

FERMIN: Pilik! Pilik!

PILI: Ez, nere attan kotxin ez...

DENAK: Pili...

PILI: Ez, ez, ez, ez...

BESTEAK: (Giltzak kentzen dizkiote) Pili! Pili!

PILI: E! Gauza bat! Gauza bat!

DENAK: (Koruan) Gauza bat! Gauza bat!

PILI: Bale... bale... baina ezin da erre, e!

ERRAMUN: Anple hadi Pili... Ez diñagü otoa erreko.

ZIGOR: Bai, Pili, trankil. Aspaldi itxi geuntsenan kotxiek erretiai...

FERMIN: (Zigarroarekin) Beinga, beinga! Ez degu erreko...

PILI: Nere attana dela kotxia, tios... Kaiet, jode! Tzazola erre...

KAIET: Badakin nik ez dudala erretzen, Pili. Nik pipatzen dinat.

 

Musika. Abiada. Tupusteko gelditzea.

 

ZIGOR: Kaguendios, Pili, ostia! Ze kotxe mierda dauken ba!

KAIET: Kontrooool...

DENAK:

                        Hemen zirezten orori

                        kantuz gaude hiru xori

                        hemen zirezten orori

                        zabal omore on hori

                        besta dugula sokorri

                        besta dugula sokorri

                        gau on ta ongi etorri

                        penak gogotarik urrun

                        igor ta ez ager ilun

                        penak gogotarik urrun

                        adixkide eta lagun

                        dantzan harraraz ditzagun

                        kantuz harraraz ditzagun

                        omore eta maitasun