|
Seaska inguruan, Agustin Zubikarai III Belen'go kale zarrak. Irudi au dana kantuz egiten da, «Yosepe ta Maria» kanta zarraren eresiz. IRAGARLE: (Bakarrik agertzen da, erriari irudia agertzen. Geroago YOSEPE ta MARI sartuko dira, abestiak agindu ala ate joten.) Yosepe ta Maria beren Yesus'ekin joan ziran Belen'era gaurko gabarekin. YOSEPE: (Mari'ri.) Or goian etxea : jo daigun atea... (Iru edo lau aldiz joten dabe astirotsu.) Gizonak leiora nekez irtetzea! IRAGARLE: Bi eta iru bidar jo tuzte atiak. erantzun ba'liete bere maitatiak! (Yosepe'k ate joten jarraitzen dau, etxea aldatuaz.) YOSEPE: Beste etxe onetan ein daigun eupada. Zabalduko ete da iñor bizi ba'da! GIZONAK: (Asarre, atea erdi irikiz.) Zein dala zaratatsu nire ate joten? Gabaren ordu onetan zer dabiltzu emen? YOSEPE: (Apal.) Dontzella eder bat dakart nik aldean, semea datorrela bere sabelean. GIZONAK: (Destañez.) Seme ta dontzella au nola diteke? Gezurti eder ori ortikan ken zaite. (Atea zaratatsu itxiten dau. Yosepe malkoz geratzen da Mari'ri begira.) MARI: (Adoretsu.) Bioztun izan zaite, bioztun Yosepe! Gaur gure Yesus onak jaio bear luke! (Astiro-astiro urrunduten dira.) IRAGARLE: Orrela ibil ziran Yosepe ta Mari nun sortzea emongo Yesus aurtxoari. (Oyal aldatzea.) Seaska inguruan, Agustin Zubikarai
|
