|
Gabon-gabontzeta, Arkotxa'tar J.A. AURRENEKO AGERALDIA APALLU, gero EZTI APALLU amogintzako aulkian exerita amugiten. An inguruan dan pelota-tokian jotzen dituzten txaloak entzungo dira noiztikpeñean. Pelota-jokoan egiten diran tantoen berri enmango duen abotsa ere bai. Abots zoli batek, tantotik tantora, onela adierazten joango da: Sakiak bat, errestuak bat ez, jaunak! Au da: sakia jotzalleak zenbat tanto dituan eta errestuak zenbat dauzkazen esaten joan bear du, pelota-jokoa benetan ikusten balu bezela. Era berean, goxotegian abesti ikasketan bost xei mutiko. Entzungo dan abestia: «Aurtxo txikia seaskan dago zapi txuritan txit bero. Amonak dio, ene potxolo, arren, egizu lo-lo. Txakur aundia etorriko da ezpadezu aguro eiten lo. Orrengatik ba, ene potxolo, arren, egizu lo-lo...» (EZTI Abestiaren erdi-aldean goxotegitik irten eta oinpuntetan Apallugana atzeko aldetik joan eta sorbaldan goxo-goxo joaz mallu takatekorik ez ateratzeko adieraziko dio eskuz, aurtxoa lo balegoke bezela.) APALLU: (Arriturik.) Zer? Zer gertatzen dek? EZTI: (Ixiltzeko adieraziz.) Xiiiiiii!!! (Gero abestiak txoraturik baleuka bezela eskuak biotzera eraman eta buruaz goxotegiko abeslariak zuzenduko ditu. Eta abestia bukatzean, goxotegiko atera joan eta APALLU'ri zuzenduaz, besoak zabaldu ta buru-gerriak makurturik agur egiten dio. Beriala goxotegira sartuaz.) (APALLU Isekazko parrea egiñik, burutik ondo eztala adierasiko du.) Gabon-gabontzeta, Arkotxa'tar J.A.
|
