|
Gabon-gabontzeta, Arkotxa'tar J.A. AMABIGARREN AGERALDIA PERU ta MARIXA MARIXA: (Basarritar jantzian, bere buruko pañuelo ta guzti. Besotik zintzilik eramaten dan otarra beltza, dakarki. Oso aserre ta atzera begiraka.) Mugitu adi, gizona: mugitu. PERU: (Bere blus-beltza, abarka ta eskuko makilla duela.) Emakuamea... MARIXA: Ezta arri alperra baintz ere. Teinkadaka ibilli bear beti. Ordu guztiak berdiñak izatea ere beti. PERU: Bakerik ez ote diñagu bear? Gabon-eguna, pake eguna den ba? MARIXA: Ederki esango ziguk. Ordu ederrian dakarkigula Gabonerregalua. PERU: Ortaz ez adi estutu. Artzea danean, beti izaten den ordu ona. MARIXA: Bai ik uste. PERU: Ikusiko den. (Jotzen du tinbrea.) MARIXA: Etzekiat iñor arkituko degun. PERU: Psa...! Berentzat kalte. MARIXA: Eta, guretzat ere bai. PERU: (Jotzen du tinbrea berriz ere.) MARIXA: Auxe bear genukek orain; iñor ez arkitzea. Eta guzia, pixkabat lentxiago etxetik ez irtetzearren. PERU: Ea, ba, zer egingo degun. Abereentzako bazka egin gabe ezingo giñan etorri. MARIXA: Zergatik ez? Utzi egin bear danean, utzi egin bear dek. Ago orain, datorren urteko Gabonak arte. PERU: Datorren urteko Gabonak arte emen, ate onduan? MARIXA: Baita zerean ere. PERU: Etzekiñat ba. MARIXA: Buru ori geiago askatzen ezpadek eztek jakingo asko, ez. Urte guzian egun onen zai egon eta auxe azkenean. PERU: (Irri-parrez.) Nagusiaren etxeko txokolatea jan gabe itzuli bear etxera, nere emaztetxoa. MARIXA: Etzeukat mariatzeko gogorik. PERU: Txokolatea artzekoa bai, noski. MARIXA: Txokolatea naikoa izango diagu aurtengo neguan, erretellarik ezpaziguk egiten. PERU: (Konturatuaz.) Aaaa! Errazoia den. Enitunan gogoratzen. MARIXA: Ordua uan ba, kaskar ori askatzeko. Ea noiz izango degun berriz nagusiarekin itz egiteko aukera. PERU: Jaiak igarotakoan etorri bear berriz. MARIXA: Eta kapoia? PERU: Gurekin etxera eramatea berriz. MARIXA: Etxera? Ez, ez, ez; len ere naikoa kosta zaiguk eta eniak ni berriz kastorik egitera. PERU: Eta erretilla? MARIXA: Bai naibadik! Iru-lau egun auetan kapoi onek jan dizkigunak jan eta nik berriz etxera eraman? Ez, ez, ez; etzeukat bildur aundirik. PERU: Ezti'ri edo, Apallu'ri utzi bearko dizkiogu. MARIXA: Eniak ni beintzat, kapoirik etxera eramatera, iltze bat gertare. Ezti ordan begira zak. PERU: (Goxotegiko ate aurrera joanaz.) Ezti! Ezti! Gabon-gabontzeta, Arkotxa'tar J.A. |