|
Gabon-gabontzeta, Arkotxa'tar J.A. AMAIRUGARREN AGERALDIA Lengoak eta EZTI EZTI: (Barrendik.) Bai... (Agertuaz.) Zer da, jaunak? Zer dakartzute? PERU: Ona... EZTI: Aaaa...! Bai, bai, bai. Pello jaunaren maisterrak zuek, e? PERU: Bai, ba; ta kapoi bat dakarkiogu. EZTI: Ederki. Nik artuko dizutet. Nunbait zai egon dira-ta... MARIXA: Gure zai? EZTI: Zuen zai edo. Norbait Gabon-erregaluagaz agertzen bada ta eurak etxean ez, mesedez nik artzeko agindu dirate. PERU: Ea, Marixa, eman akion. MARIXA: (Otarra zabaldu ta kapoi eder bat artu ta EZTI'ri ematen dio.) Badakit Don Pello'ri kapoi ederragorik ekarri eztiotena. EZTI: (Kapoiari begiratuaz.) Ederra da bai. MARIXA: Ondo guri kostatako kapoia da berori. EZTI: Beronek du ezagun, etxeko andre piña izan duena. MARIXA: Piña edo, piña izan bearra daukagu, basarria aurrera aterako bada. EZTI: Utzi ba nere kontu. PERU: Eskerrikasko. EZTI: Eztago zerengatik. (Goxotegira joaten da.) Gabon-gabontzeta, Arkotxa'tar J.A.
|
