|
Gabon-gabontzeta, Arkotxa'tar J.A. BIGARREN AGERALDIA APALLU ta KOIPE KOIPE: (Sagardotegitik agertuko da bere arakin jantsiz.) Apallu, zer dek ori? Gabon arratsaldean ere amugiten? APALLU: Bai; beti zeok zerbait neretzat; Illea ezpada, bizarra; bizarra ezpada, amua: Gabon arratsalderako beti. KOIPE: Ik nai dekalako. APALLU: Nik nai? KOIPE: Jakiña zeok ba. Ire esku daukak, guziak jaurtigi ta pelota-jokoa ikustera joatea. APALLU: Eta apaitarako bixigua? KOIPE: Apaitarako bixigu arrantzan ari aiz beaz? APALLU: Bai; eta legorretik. KOIPE: Beitatu gabeko amuaz gañera. Neronek ere jan nezakek bixigua, orrela izatekotan. APALLU: Eginda, baña; eginda. KOIPE: Jakiña zeok ba: eginda; gordiñik ez beintzat. APALLU: Nik eginda baña. KOIPE: Ik eginda? Bejaundeikala! APALLU: Nik eginda edo... Tretza batentzako amuak egitearren. KOIPE: A...! Uste nian, ala ere, bixiguak egiten ituala. APALLU: Ondo eginda egongo dek. (Bere itzaz poztuaz.) An egongo dek: txir-txir-txir, Koipe jario ederraz txingar gañean erretzen. Nere emaztea ere bai, aren onduan, fu! ta fu!, putsadaka, geiegi erre eztedin gar biziak. KOIPE: Etzak geiago aitatu; ortzak ere uretan zeuzkat-eta. APALLU: Uretan? Apal-aurreko «Berrogei Agur Mariak» errezatzea eztek laburra izango gaur gurean. Gero, ordea, olio-aza gozoaz asi; mallakoa, pil-pil dala; bixigu erre-berria, sagar xaltxa, aia, kapea nai-ala txotxaz, bapo!, ollarraren tankeran jartzean, nork neri bertsotan kukurruku jo? Ezta Txirritak ere. KOIPE: Bertsotan etzekiat; kukurruku jotzen ordea... Kukurruku kontuan, badakik ni nor naizen. APALLU: Bai, orretan, bai. Bakoitzari berea ematen bazekiat. KOIPE: Biar eguardian ere, kukurruko ederrak botako dizkik nere ollarrak. APALLU: Biar al zaukatek jokoa? KOIPE: Bai: Meza-nagusi ondorean. APALLU: Eta... zer asmo dek? KOIPE: Esan bearrik etzeok: irabazi. Ikusiko dek, nolako ollarra detan. Egundo eztiat izan oraingoa añakorik. APALLU: Bikain askoak izan dituk ba lenago ere? KOIPE: Oraingoa, ordea...: aren ibillera, aren ego arrotzeak, aren kukurruku biziak, aren... Naikoa neronek kukurruku jotzea, bera ere bizi-bizi kukurrukuka asteko. APALLU: Bai? Saltzeko eztek eukiko orduan? KOIPE: Saldu? Ez, orixe! Jokoak eratzen eta sariak irabazten ekin bear zioat orain. APALLU: «Jokoa eztek gero errenta; obe dek kapoi bat erreta?» KOIPE: Berriketak dituk oiek: berriketak. (Pelota-tokiko. txaloak bizi-bizi entzungo dira emen.) Baniak pelota-toki aldera. Ez al ator? APALLU: Ezin nezakek. KOIPE: Bixigua naiago ik, e? APALLU: Eztituk berdiñak. KOIPE: Baniak, baniak. (Eskui aldetik joaten da.) APALLU: Ua, bai. Gabon-gabontzeta, Arkotxa'tar J.A.
|
