|
Gabon-gabontzeta, Arkotxa'tar J.A. ZAZPIGARREN AGERALDIA Neska GABON-ESKALEAK eta DON PELLO ta DAMA JUSTA (Poxpolin buru dutela seiko nexka taldea agertuko da lenengo eskui aldetik. Euskel jantziz eta lau lagunen arte, Jesus'en-Jaiotza txaboltxoa dakartela. Era berean, DON PELLO ta DAMA JUSTA beren etxetik ateria ta aurrez-aurre ikusten dira nexka taldeaz.) POXPOLIN: Asi gaitezen. ESKALEAK: (Abesten asten dira.) Belen'go portalean Arbola eder bi: Bata laranja eta Bestea madari. Iriki zazu bada Kurtiña eder ori, (Txaboltxoan duan kurtiña zabaltzen dute.) Ikusi daigun bada Gure jesus ori. DON PELLO: (Txabol barnera begira.) Oso polliki eratuta daukazute jaiotza. DAMA JUSTA: (Onek ere begiratu ondoren txabolara.) Oso ederki, oso ederki. POXPOLIN: «Aingeruak esan.» ESKALEAK: (Abesten dute.) «Aingeruak esandu Or mendi gañean Jesús jaio zaigula Belengo estalpean Gloria Zeruan ta Pakea Lurrean Borondate oneko Gizonen artean. A zer konsuelua Guk orain daukagun Jaungoikoaren Semea Etorri da lagun. Erakutsiko digu Zer egin biegun, Beraren alabantzan Kantatu dezagun.» DON PELLO: Ederki. Naikoa dezute. Nor dezute diru-zain? POXPOLIN: (Bat erakutsiaz.) Ori, jauna. DON PELLO: (Dirua emanaz.) Ona nere oparitxoa, Jesus-Aurtxoaren izenean. GUZIAK: Eskerrik asko. DAMA JUSTA: Ni gaztetxoa nintzala abesten genitugun bertso banakak badakizkit oraindik ba? Eztakit zuek jakingo dituzuten. Onelaxe asten zan bat: «Gizonak bentanara nekez urtetzen.» POXPOLIN: Badakizkigu guk ere. Ara: ESKALEAK: (Abestuaz.) «Gizonak bentanara nekez urtetzean. —Zer darabiltzue emen gauaren erdian? —Dontzella bat dakarkit nerekin batean, Semea daukala bere sabelean. —Dontzella ta semea nola izan liteke? enbustero faltsuak emendik zoazte. DON PELLO: Ederki. Naikoa dezute. DAMA JUSTA: Oso ederki, oso ederki, gazte maiteok. Jarrai onelaxe gure oitura zarrari jarraitzen. Zuen abestiak, otoitzak dira. Eta zuek, atez-ate onela ikustean, Joxe ta Maria ere, onelaxe aterik-ate ibilli zirala munduari agertzen diozute. Zoazte bada, Jesus-Aurtxoak ekarri zigun Pakearen berria zabaltzen. ESKALEAK: Eskerrik-asko. (Joaten dira.) EMAKUME BAT: (Barruan.) Poxpolin!! Poxpolin!! Atoz. Beriala joango zera. Gabon-gabontzeta, Arkotxa'tar J.A.
|
