|
Gabon-gabontzeta, Arkotxa'tar J.A. AMAZAZPIGARREN AGERALDIA GABON-ESKALEAK (Emen agertuko diranak,mutikoak dira: KAPUX, KAXKU ta KAKAX, .sagar, madari, okaran, laranja ta beste igali onak nongo salletan dauden «kontua» eramaten ditusten orietarikoak. Praka luzez jantzirik irurak. Kakax'ek eta Kaxku'k, almoada-azal bana bizkarrean, Gabon eskean bildutakoak aretan ditustela. Kapux'ek sakelean artzen ditu eta gustiak beteta agiri ditu. Mauka-mauka sagar jaten agertuko dira irurak.) KAKAX: Don Pello'ri kantako diogu. KAPUX: Ez, txo. KAKAX: Zergatik ez? KAXKU: Lengoko arratsaldekoagatik? Aztuta zeukatek onezkero. KAPUX: Aztuta, txo? Ederra dek be, berdela, neskame sorgin ori, onen aguro aztutzeko. KAKAX: Zerbait gertatu altzazuen? KAPUX: I ez al intzan gurekin? KAKAX: Noiz, gero? KAXKU: Au etzian. Eskola joan uan, maixu egitera. KAKAX: Eztek egia. KAXKU: Non izan intzan ba? KAKAX: Ikastolan ez beintzat ; illabete ontan ikastola igesi nebillek-eta. KAPUX: Esango diat. Joan geituan laranja lapurreta ta arbola gañean, kolkokada laranja naukala, sorgin antzean agertu etzitzaidaken ba, bere eskobakerten aundiz, ni jotzeko ustez? KAKAX: (Parrez.) Eztek egia Eta ezer egin zikan? KAPUX: Egin nai bai, utzi banion. Arbola gañetik asi niñukan kolkoan nizkikan laranjak arrikadan berari botatzen eta, ilko ezpazan, etxera ospa-egin bear izan zikan. KAKAX: (Parrez.) Sekula olakorik! Gogorra aiz, Kapux. KAXKU: Guazen kantaz astera ta neskamea etortzen bazaigu ez ematea egingo ziguk geienaz ere. (Ate aurrera joan eta kantaz asten dira.) «Gabon-gabontzeta Errosa galtzeta Aurra jaio da ta Jo daigun krixketa. Aire miramor, aire miramor. Larrosa enkarnada. Aire miramor, aire miramor. Etxetxiki onetan Jo daigun atia, Iriki, al badezu, Ama-andre maitia. Aire miramor, aire miramor, Larrosa enkarnada. Aire miramor, aire miramor. KAPUX: Naikoa diagu. KAXKU: Naikoa? Ez. Entzun bearko dizkitek beste onako au ere. KAKAX: Zeken oriek, merezi ere bazitek. Etxe onetan lau ardi, Laurak zortzi belarri, Etxe onetako etxeko andriak Topin beltza diruriiiii!! ATAUN: (Barrendik.) Txotxo! (Eskaleak iges egiten dute.) Gabon-gabontzeta, Arkotxa'tar J.A.
|
