|
Gabon-gabontzeta, Arkotxa'tar J.A. OGEITAZAZPIGARREN AGERALDIA KOIPE ta APALLU APALLU: (Kapoi luma berria eskuesta damala kalera irten eta kapoiari.) Kukurrukuuuuu!!! (Kapoiak erantzuten eztuala ikusirik.) Kukurrukuuu!!! Kukurrukuuuuu!!! KOIPE: (Agertuaz.) Zer dabilkik? APALLU: Ire ollarra probatzen zenbaterañokoa dan. KOIPE: Eta? APALLU: Onek eztik tuturik ere jotzen. KOIPE: Onek kukurrukurik eztuala jotzen? Ik esan ori neri? APALLU: Etzekiat iri erantzungo dikan, neri eztziak erantzun. KOIPE: Ago. Laster entzungo dek kukurruku bizi askoa. (Kapoiaren aurrean jarriaz.) Kukurrukuuuuu!!! APALLU: Ezta iri ere. KOIPE: Neri erantzun ez? (Berriz.) Kukurrukuuuuu!! APALLU: (Parrez.) Koipe geiegi alaxen eman diok. KOIPE: Lumak mozteak egin ezpadio ala ere. APALLU: Litekena dek. KOIPE: Bai, lumak mozteak egin ziok. APALLU: Etzeok ajolik. Biar jo dezala ta. KOIPE: Bai, joko dik, laster asko jo ere. Maturrok uste duan baño, lenago. (Parrez.) Arek eraman bear duan ipurdikoa zeukat goguan. APALLU: (Parrez.) Eztik asko uste izango arek. KOIPE: (Parrez.) Ez, ez, ez, ez. Etorriko aiz aren ollarra jatera. baña? APALLU: Bai. Nora? KOIPE: Ementxen, Kukutxanean jango diagu. APALLU: Ondo zeok. Gabon-gabontzeta, Arkotxa'tar J.A.
|
