|
Gabon-gabontzeta, Arkotxa'tar J.A. AMAIKAGARREN AGERALDIA KOIPE ta OLENTZARO-TALDEKOAK (Ogei bat mutil gazte pelota jokoa ikustetik sagardotegira zuzenduko dira. KOIPE ere auen artean agertuko da. Pelota jokoan gertatutakoen gora-beren elkar-izketa dakarte guziak. Elkar izketa au, bakoitzaren esan gogora uzten det euskaldunok pelota-jokoaren berri dakigunez. Jokalarien izenak: Keleo, Kalamax, Akeliño ta Kotxorro.) APALLU: (Bizartegiko atera agertuaz.) Txo, nortzuk irabazi dute? BATEK: Keleok eta Kalamaxek. Ogeitabatean enbanatuta gero. KOIPE: (Apallugana urreratuaz.) Etzeok Keleoañakorik! Itxasora joateri utzi ta pelotan zeukak ogia orrek. APALLU: Izan ere, mutil makatsa zeok ori. KOIPE: Dagoan ba. Bixiguak edo zerbaitek indarra ematen ziok. APALLU: Izan ere, bixigua baño arrai oberik etzeok, egon ere. Gaurko nere bixiguak ere indar ederra emango ziak. Kukurruku ederrak botatzeko natxiok gaur. KOIPE: Ik gaur? Baita nik biar. Lenengo nere ollarrak botako dizkik plazaren erdian eta nik, Kukutxa'neko sagardotegian, Maturro'ri irabazitako ollarra jatean. APALLU: Ollarrari lumak pixkat ebakitzerik ez al dek nai? KOIPE: Ollarrari lumak ebaki? APALLU: Jokoko ollar antzean jarri besterik ez. Mutikoren batez bialtzen badiak, moztuko ziozkat. Astia oraintxe zeukat. KOIPE: Baniak eta beriala bialiko diat. APALLU: Pixkor ibili adi. KOIPE: (Dijoala.) Bai, bai. APALLU: (Bizartegira sartzen da.) Gabon-gabontzeta, Arkotxa'tar J.A.
|
