|
Begia begi truk, Yon Etxaide III'gn. jardunaldia Lengoak, GRAZIAN GRAMONT eta CATHERINE ONEN EMAZTEA GRAZIAN: Berriketan, gazteak? MARI: Bai, aita, kontu batzuek esanaz... (Gurasoai.) Ezagutzen duzute, noski, Tristan arranbelaria, Larraun'go Berteretxe'koa. CATHERINE: Oker ezpa'naiz, Bustanobi'ko zaharrak ospatu zituzten urre-ezteietan ikusi zindutan. BERETERRETXE: Bai, andrea, an nintzen; gu ere, zuek bezalatsu Bustanobi'koen aide baigera. Mari Santz ene ama, Bustanobi'ko Gartxot'en arreba da. GRAZIAN: Ni baiño aide urbillagoa aiz, izan ere. Ni Gartxot'en lengusu jatorra nauk. MARI: (Gurasuai.) Orain, Bordele'ra dijoa, etxean egonaldi bat egin ondoren, iri aundi artan baitago arranbelari. GRAZIAN: Norekin ago? BERETERRETXE: Roger Longueville jaun leñargiarekin. GRAZIAN: Ba-dut aren aitzea... ta gustora al-ago Roger zaldunarekin? BERETERRETXE: Eztaukat kejarik... Arranbelari ta gudari on bat izatea berari zor diot... Baiñan Bordele urrutiko da guretzat, euskaldunentzat, alegia. MARI: Bai, aita; oraintxen ere pena ederrarekin zijoan Bordele'ra guraso zaharrak etxean utzita. GRAZIAN: Naiko al-ukek nire serbitzura etorri? BERETERRETXE: Ahal ba'ledi... bai pozik. GRAZIAN: Mire etxeko ateak zabalik dituk, bada. Nai dukenean etorri. BERETERRETXE: Milla esker, En Grazian Gramont... Oraindik, ordea, iru illabeteko alkar-tratua daukat En Roger Longueville zaldunarekin; beraz, denbora orren buruan bearko nuke etorri. GRAZIAN: Ik nai dukanean nire gazteluko ateak zabalik izanen dituk. BERETERRETXE: Orduan, etorriko naiz; zin dagizut. CATHERINE: Ongi etorri gurera. MARI: Eta lenbailen etorri. GRAZIAN: Ots, enetxuok; begira nor datozen! Otsoa gurea eta Santxo Arhantzeta zaldun jauna. (Emazteari.) Berarekin egon bearra daukat bakarka. Zer nai ote digu jaun pakezale onek? CATHERINE: Gu pasiatzen ibiliko gaituzu bada, jaun orrekikoak antolatzen dituzun artean. BERETERRETXE: Agur, ba, En Gramont jauna eta milla esker berriz ere zure eskeintzagatik. GRAZIAN: Agur eta osasunarekin etorri. (Bijoaz Bereterretxe, Mari Beltxa eta Catherine.) Begia begi truk, Yon Etxaide
|
